Errealitate kuirra ikusarazi eta ulertzeko espazioa
KUIR erakusketak errealitate queer-a normaltzeko eta jendartean kontzientzia pizteko gunea eskaintzen du, artearen bidez ikusgarritasuna emanez.
Artea, aldaketa sozialerako tresna indartsua
Xanti Gracia, Teresa Castro eta Ruben B. Caballero artistek sortutako ilustrazioekin, bideoekin, argazkiekin eta "performance art"-arekin, LGTBIQA+ esperientziak erdigunean jartzen ditugu.
Ezagutu, sentitu eta partekatu esperientzia eraldatzailea
Pertsona kuirrak, belaunaldi berriak eta artezaleak elkartzeko espazioa. Zatoz eta esperimentatu etorkizun inklusiboago baten aldeko artea!

INTXAURRONDOKO KULTURETXEA

Intxaurrondoko Kultur Etxearen kanpoaldea, KUIR erakusketaren egoitzetako bat.

Gure lehenengo erakusketa 2024ko azaroaren 4tik 26ra egin genuen Intxaurrondoko Kultur Etxean, ikusgarritasuna, kontzientzia eta aniztasuna sustatzeko. Aste hauetan zehar, bisitari askok parte hartu zuten, eta espazio segurua sortu genuen hausnarketarako eta elkarrizketarako. Esperientzia aberasgarria izan da, eta oso harrera ona jaso dugu. Eskerrik asko gerturatu zareten guztiei eta KUIR proiektua babestu duzuen guztiei!

MARTXUP PROGRAMA

Martx Up programak gure erakusketa gaur egun den bezala garatzen lagundu digu. Hasierako ideiatik abiatuta, Martx Up-ek tresnak, espazioak eta babes komunitarioa eskaini dizkigu KUIR erakusketa eraikitzeko eta sendotzeko. Prozesu honetan, proiektu baten diseinutik komunikaziora eta antolakuntza estrategietara arteko ikaskuntza aberasgarria izan dugu.

Programa honek aukera eman digu sormen-prozesuak sakon lantzeko, tokiko artistekin lankidetzan aritzeko eta ikusgarritasuna modu esanguratsuan sustatzeko. Horrez gain, erakusketa hezkuntza-tresna gisa ulertzeko eta inklusioa hausnartzeko modu berriak ikasi ditugu.

Gaur egun dugun erakusketa Martx Up-en esker hazi eta sendotu da, eta guretzat ezinbesteko esperientzia izan da. Eskerrik asko bidelagun izan zareten guztiei!

KUIR taldeko kideak Martx Up programan, erakusketa garatzeko prozesuan parte hartzen.

Ekarri KUIR erakusketa zure espaziora eta sustatu inklusioa

Zure erakundea, kultur etxea edo espazio publikoa LGTBIQ+ ikusgarritasuna eta inklusioa lantzeko erakusketa bat bilatzen ari da? KUIR erakusketa arte queer-aren, hausnarketaren eta esperientzia immersiboen bidez berdintasuna eta aniztasuna sustatzeko diseinatua dago. Programazio kulturalaren parte izan dadin edo ekimen berezi gisa antolatzeko, jarri gurekin harremanetan eta elkarrekin egokituko dugu zure beharretara.
Eskatu informazioa eta ekarri zure espaziora